Бөлүмдөр
Бейшемби, 19-апрель
Баракелде

Активист социалдык тармактагы билдирүүсү үчүн 4 жылга кесилди

Turmush -  Бишкектин Свердлов райондук соту 2017-жылдын 7-декабрында социалдык түйүнгө жарыялаган маалымат боюнча иш козголгон жаранга карата өкүм чыгарды. Жогорку соттун басма сөз кызматынын билдирүүсү боюнча, И.Т. КРнын Кылмыш-жаза кодексинин 299-беренесиндеги 1-бөлүм (улуттар аралык, диний, расалык жана аймактар аралык кастыкты козутуу) менен күнөөлүү деп табылды.

Жыйынтыгында 4 жылдык мөөнөттөгү жазаны түзөтүү абагында күчөтүлгөн режимде өтөө чечими кабыл алынды.

Буга чейин айыпталуучу — «С.Радонежский жана Улуу Манас атындагы укук коргоо борбору» ЖЧКнын башкы директору укук коргоо органдары тарабынан 2017-жылдын 25-майында кармалганы маалым болгон. Ал социалдык тармак аркылуу этникалар арасындагы кастыкты козутуу багытындагы жарыясы үчүн кармалган. Анын негизинде тиешелүү берене менен кылмыш иш козголуп, тергөө иштери жүргүзүлдү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1445
Көп окулду
Учурда окулуп жатат
×