Бөлүмдөр
Ишемби, 21-июль
Баракелде

16 жаштагы Кирилл Кистанов теннис боюнча Кыргызстандын абсолюттук чемпиону болду

Turmush -  Кыргызстандын 2017-жылдагы теннис боюнча эркектер арасындагы чемпионатында Кирилл Кистанов эки алтын медалга ээ болуп, чемпиондукту багынтты.

Маалым болгондой, өлкө чемпионаты Бишкекте 29-сентябрда башталып, 4-октябрда жыйынтыкталды. Ага жалпы 32 спортчу катышты.

К.Кистанов алгачкы таймаштарда Максат Калиловду (1/16 финалда) жана Илья Жаманкуловду (1/8 финалда) 2:0 (6-0; 6-0) эсебинде жеңди. Ал чейрек финалдагы оюнда Аман Ысманалиевди 2:0 (6-3; 6-0), ал эми жарым финалда Фархад Урумбаевди 2:1 (0-6; 6-4; 7-6) эсебинде утуп, финалга чыкты. К.Кистанов чечүүчү беттеште Малик Камалов менен ойноп, 2:0 (6-2; 6-0) эсебинде жеңишке жетип, чемпиондук наамды үчүнчү ирет утуп алды.

Ал эми, 3-орун үчүн болгон беттеште Фархад Урумбаев (2:0) Карим Аманходжаевди жеңип, коло медалга ээ болду. Ошондой эле, жуптук турнирде К.Кистанов менен М.Серко алтын медалды багындырды. Ал эми К.Аманходжаев менен Константин Хан күмүш медалга ээ болушту.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1137
Комментарии
Для добавления комментария необходимо быть нашим подписчиком
Көп окулду
×