Бөлүмдөр
Ишемби, 25-ноябрь
69.71    82.67    1.19    KZT 0.21
Баракелде

Башкы прокуратура КСДПнын депутаты М.Исаковго кылмыш ишин козгоду

Turmush -  Башкы прокуратура Жогорку Кеңештин депутаты Музаффар Исаковго (КСДП) карата КРнын Кылмыш-жаза кодексинин 303-беренеси (коррупция) менен кылмыш ишин козгоду. Бул тууралуу бүгүн, 14-февралда прокуратуранын басма сөз кызматы билдирди.

Текшерүүнүн жыйынтыгы менен белгилүү болгондой, М.Исаков Жалал-Абаддын Сузак районундагы Таш-Булак айыл өкмөтүнүн башчысы болуп турганда райондук Мамкаттоо жана архитектура кызматынын жоопкерчиликтүү адамдары менен жашыруун келишим түзгөн. Анын негизинде 2010-2015-жылдар аралыгында айыл чарба багытындагы 14,34 гектар жерди турак жай курууга уруксат берүү боюнча мыйзамсыз 315 токтом кабыл алынган.

Текшерүү учурунда жашоочулар жер тилкелерди 1,5-3 миң долларга чейин сатып алганын айтышкан. Бул ишти иликтөө УКМКга тапшырылды.

Ал эми, депутат бул тууралуу кабары жок экенин айтты.

«Менде бул тууралуу маалымат жок. Эртең менен жумушка барган эмесмин. Мүмкүн ошол жакка маалымат берип же телефон чалышкандыр», - деди Музаффар Исаков.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1329
Комментарии
Обсуждения закрыты
Көп окулду
Учурда окулуп жатат
×